Ամենահամեղը այստեղ

Բաղադրիչներ.

գառան միս – 800 գ,
նուշ – 50 գ,
սխտոր – 2 պճեղ,
սոխ – 2 գլուխ,
կարագ – 50 գ,
բանջարեղենի հյութ – 0,125 լ,
մսի արգանակ – 0,125 լ,
սերուցք – 0,125 լ,
քաղցր մանանեխ – 1 թ. գդ.,
թարմ անանուխ – 4 ճյուղ,
մաղադանոս – 0,5 փունջ,
սպիտակ աղացած պղպեղ, աղ
Մսից հեռացնել ճարպի շերտը: Սխտորը կտրատել, տրորել խյուսի աստիճան: Նուշն ու մաղադանոսը մանր կտրատել: Մսին քսել մանանեխ, սխտորի խյուս, նուշ ու մաղադանոս շաղ տալ վրան: Ռուլետի պես փաթաթել, թելով կապել, աղ, պղպեղ ցանել: Կաթսայի մեջ կարագ հալեցնել, կտրատած սոխը կարագով տապակել, հետո դնել միսը: Տապակել մոտ հինգ րոպե, շուռ տալ, տապակել ևս 25 րոպե: Միսը դնել ափսեի մեջ, ծածկել և թողնել տասը րոպե: Հյութն ու արգանակը խառնել սերուցքին, եփել հինգ րոպե: Աղ, պղպեղ ավելացնել, կտրատած անանուխ լցնել: Փափկամիսը կտրել, մատուցել խավարտի հետ: