դառը շոկոլադ – 60 գ, կարագ – 170 գ, շաքարավազ – 150 գ, ալյուր – 150 գ, ձու – 6 հատ, կոնյակ – 1 կիսատ ճաշի գդ., փխրեցուցիչ – 3 կիսատ թեյի գդ., վանիլային շաքարավազ – 1 թեյի գդ., կակաո – 35 գ, նուշ – 50 գ, ծիրանի ջեմ – 200 գ, գլազուրի համար. դառը շոկոլադ – 140 գ, կաթ – 3-4 ճաշի գդ., կարագ – 10-15 գ
Փափկած կարագը հարել 50 գ շաքարավազի հետ: Սպիտակուցները զգույշ առանձնացնել դեղնուցից: Սպիտակուցները դնել սառնարանի մեջ: Շոկոլադը մանրացնել և գոլորշու վրա հալել: Սառեցնել մինչև մարմնի ջերմաստիճան և լցնել հարած կարագի վրա: Ավելացնել վանիլային շաքարը, հարիչով խառնել, մինչև ստացվի միատարր զանգված ստացվի: Խառնելը շարունակել, մեկ առ մեկ ավելացնել դեղնուցները: Նուշի վրա եռացած ջուր լցնել, թողնել 1 րոպե: Կճեպը հանել, բլենդերով մանրացնել: Ալյուրը ափսեի մեջ մաղել: Ալյուր մեջ լցնել կակաոն և փխրեցուցրիչը, խառնել: Սառած սպիտակուցները հարել: Աստիճանաբար հարիչի արագությունը ավելացնել: Քիչ-քիչ ավելացնել 100 գ շաքարավազ և հարել, մինչև անշարժ զանգված ստացվի: Կեսը լցնել շոկոլադի զանգվածի վրա, ավելացնել ալյուր, որին կակաո էր խառնած: Վրան լցնել նուշը և խառնել ներքևից վերև շարժումներով: Ավելացնել մնացած սպիտակուցները: Խմորը լցնել յուղած կաղապարի մեջ: Թխել 170-200 աստիճանով 50-70 րոպե: Բիսկվիթը հանել, թողնել 8 ժամ: Ծիրանի ջեմը մի քիչ տաքացնել: Բիսկվիթը երկու կամ երեք մասի բաժանել, մի մասին ջեմ քսել: Վրայի շերտը դնել, վրան և կողքերը ջեմ քսել: Շոկոլադը հալեցնել գոլորշու վրա, մինչև ջրիկանա: Մեջը լցնել կաթը, լավ խառնել: Վերջում մի կտոր կարագ դնել: Խառնել այնքան, մինչև կարագը հալվի, ձուլվի: Շոկոլադը մի քիչ սառեցնել: Լցնել տորթի վրա, քսել կողքերին: Զարդարել շոկոլադով:
