Բաղադրիչներ. միս – 400 գ, հատիկ պղպեղ, դափնու տերև, գազար – մի քանի շերտ, աղ, սև աղացած պղպեղ
Միսը կտրատել, թողնել սառը ջրի մեջ մոտ կես ժամ: Կարելի է եփել թե փափկամիս, թե ոսկրոտ կտորներ: Սառը ջուրը թափել, նորից ջուր լցնել մսի վրա, դնել կրակին: Եփվելու ընթացքում փրփուրն անընդհատ վերցնել: Եռալուց հետո արգանակի մեջ գցել դափնու մեկ-երկու տերև, չորս-հինգ հատիկ պղպեղ, մի քանի կտոր գազար: Մարմանդ կրակի վրա եփել մեկ-մեկուկես ժամ: Ապա աղ, սև պղպեղ ցանել: Կարելի է առանց կտրատելու մի քանի ճյուղ համեմ գցել արգանակի մեջ, հետո հանել: Արգանակը քամել, լցնել ապակե կամ էմալապատ տարայի մեջ, պահել սառնարանում:
