Բաղադրիչներ. սիգ – 2 հատ, ռեհան – 6 ճյուղ, աղ, սպիտակ աղացած պղպեղ, կարագ – 30 գ
Ձուկը մաքրել, խռիկները հանել: Աղն ու պղպեղը խառնել, քսել ձկան վրա և ներսի կողմից նույնպես: Ամեն ձկան մի կողմում ոչ խորը կտրվածքներ անել: Ռեհանը լվանալ, սրբիչի վրա չորացնել: Հետո կանաչին դնել ձկան փորի մեջ: Տապակի վրա բուսայուղ լցնել, ձկները դնել այնպես, որ իրար չդիպչեն, դնել ջեռոցը: Կտրվածքներով կողմի վրա կարագ դնել: Ջեռոցը տաքացնել 190 աստիճան և եփել ձուկը քսան րոպե: Ռեհանի ճյուղերը հանել, մատուցել:
