 Բաղադրիչներ. ալյուր – 120 գ, կարագ – 50 գ, աղացած նուշ – 25 գ, շաքարավազ – 1 ճ.գդ., սառը ջուր – 2 ճ.գդ., միջուկ. կաթնաշոռ – 400 գ, կարագ – 120 գ, շաքարավազ – 140 գ, ձու – 3 հատ, չորացրած կեռաս – 70 գ, ալյուր – 1 ճ.գդ., վանիլային շաքար – 1 տուփ Հունցել խմոր. ալյուրն ու կարագը խառնել, ավելացնել նուշը և շաքարավազը, այնուհետև` ջուրը: Խառնել մեկ րոպե, հետո դնել սառնարան 30 րոպեով:  Խմորը սառնարանից հանել, դնել տապակի մեջ, պատառաքաղով ծակծկել: Խմորը թղթով ծածկել, վրան լոբի լցնել, թխել 200С ջեռոցում 12 րոպե: Թողնել սառչի, լոբին վրայից վերցնել: Ջերմաստիճանն իջեցնել մինչև 150С:  Կարագը շաքարի հետ հարել, խառնել 1 ձվի և ալյուրի հետ: Կաթնաշոռը խառնել 2 ձվի հետ, բոլորը խառնել իրար: Միջուկը տարածել թխված խմորի վրա, հարթեցնել:  Լվացած և չորացրած բալը տարածել կարկանդակի վրա: Թխել 1 ժամ 15րոպե: Ջեռոցի դուռը բացել, թողնել այդպես սառչի: Կարելի է վերջում շաքարի փոշի ցանել վրան:
|
